У Аршанскім раёне пачалі ўборку рапса

Адным з першых у барацьбу за ўра­джай уступіла УСГП “Смальяны”. Аграрыям гаспадаркі неабходна ўбраць азімы рапс з плошчы 230 га, яравы – 150 гектараў.

У полі працуе пяць экіпажаў камбайнераў і дзве адзінкі тэхнікі на адвозцы. Галоўны аграном сельскагаспадарчага прадпрыемства Генадзь Міранцоў упэўнены, што пры добрых умовах надвор’я за два-тры дні ўсе работы будуць завершаны. Тым больш, на камбайнах і вялікагрузных машынах працуюць вопытныя спецыялісты, выпрабаваныя не адной уборачнай кампаніяй. Ёсць сярод іх і некалькі сямейных экіпажаў. За штурваламі двух “караблёў” бацькі – Сяргей Міронька і Міхаіл Дубавец, а побач з імі сыны – Міхаіл Міронька і Ула­дзімір Дубавец. На адвозцы рапса шчыруе сямейны экіпаж ва­дзіцеляў Карпушонкаў – Генадзя Мікалаевіча і сына Уладзіслава.
Пасля доўгага зімовага перапынку закруціліся справы і на зернесушыльным комплексе, дзе кіруе працэсам высакакласны спецыяліст – аграном-насеннявод Віктар Краў­чо­нак. Су­шыл­ка працуе ў дзве змены, работа не спыняецца ні на хвіліну.

Працяг чытайце ў «АГ» №80 за 17 ліпеня

Настасся ТУРОК.
Фота аўтара.

На здымку: (у цэнтры) галоўны аграном УСГП “Смальяны” Г. Міранцоў дае даручэнні экіпажам камбайнераў і вадзіцелям на адвозцы рапса.