У Аршанскім музеі У. С. Караткевіча дзейнічае выстава “Мой чароўны беларускі край”

У Аршанскім музеі У. С. Караткевіча дзейнічае выстава “Мой чароўны беларускі край”, прысвечаная 94-годдзю з дня нараджэння пісьменніка.

Увазе наведвальнікаў прадстаўлены прадметы, якія захоўваюцца ў фондавых зборах установы культуры “Музейны комплекс гісторыі і культуры Аршаншчыны” і распавядаюць пра жыццё і творчасць Уладзіміра Сямёнавіча. Сярод іх уласныя рэчы, сучасныя выданні твораў пісьменніка, рукапісы і машынапісы, лісты-віншаванні, фотаздымкі Караткевіча, яго сям’і і сяброў, зробленыя ў 1950-1970-я гады падчас вандровак, канферэнцый і іншых мерапрыемстваў.

Выстава будзе дзейнічаць па 30 лістапада.

Адрас: вул. Уладзіміра Леніна, 26.

Час працы: 10.00-18.00 штодня, акрамя панядзелка.

Кантактны тэлефон 8(0216) 51-18-49.

Н. СМАЛЯКОВА,
старшы навуковы супрацоўнік
Аршанскага музея У. С. Караткевіча.